Mizorama Chanchin Tha thlen ni champha March 15 chu Kohhran hrang hrangah hman tura duan ni a, Synod Office pawh khar a ni ang. Kohhran tam ber chuan zan lamah hemi ni pual hian inkhawm an nei ang a, hemi ni puala thupui ruahmansa “Rev. William Williams-a chanchin” tih chu zirho a ni ang. Mizorama Chanchin Tha thlen ni atana kan hman tak, March 15 hi Mizorama Chanchin Tha rawn puang hmasa bertu Rev. William Williams, Mizorama a rawn thlen ni champha a ni. Rev. William Williams hi Khasi rama Welsh missionary a ni a, Mizote chanchin a hriatin Mizote zinga Chanchin Tha hril a duh hle a, Mizote zingah missionary ni tura alo kal thei lo chungin Mizoram tlawh hram a tum a, Silchar DC remruatpuinain Sipaiho ruala lo kalin Mizoram a rawn lut a, a hmasa ber atan Mizote zingah Krista Chanchin Tha a rawn puang ta a. Rev. William Williams-a’n Mizoram a rawn thlen ni hi Mizoram Presbyterian Kohhran te chuan Mizorama Chanchin Tha lo thlen ni atan a hmang ta a ni.