March 18 - 23, 2019 chhung hian Synod Bookroom chuan kumtina a lo tih thin angin, Synod Bookroom chuan Mobile Bookshop a buatsaih a ni a, mobile bookshop hian tlangdung 4 tuamin khaw 37 an tlawh a ni.
Kumdangah Mobile Bookshop hi tlangdung 3; Tuichangral Tlangdung, Tuipuiral Tlangdung leh Sialkal tlangdung te tan buatsaih thin a ni a. Kumin erawh chuan huang zauh hretin Khawthlang lam tlangdung, Hachhek tlangdungah fehchhuah programme hi siam belhin tlangdung 4-ah Mobile Bookshop hi an fehchhuak a ni. A sum leh pai zawngin hlawkna nei lemlo mahse lehkhabu tha leh Kohhran mamawh leh School mamawh, Bookroom dawr ve pha loten an dawr ve theihna remchang nei a, man tlawm zawka an hmuh bawk si hi Synod Bookroom chuan rawngbawlna pawimawh takah a ngaia kumtin thal laiin vawikhat a buatsaih thin a ni.
