Synod Multipurpose Training Centre (SMTC) buatsaih Lay Leaders Training vawi 206-na chu SMTC Lecture Hall-ah March 19, 2019(Thawhlehni) khan Pathian hnena hlanin hawnna hun hman a ni a. Training hian March 25, 2015 (Thawhtanni) thleng a awh ang. Tun tum training-ah hian Presbytery sawm (10) - Champhai North, Hmarphei, Tuichang, Tuirini, Champhai South, Aizawl East, Chhimchhak, Chhimtawp, Tlawng, Tuichangral North atangin Kohhran Upa 50 koh niin Kohhran Upa 42 an tel thei a ni. Training hawnna inkhawm hi Rev. Vansawma, Proramme Director, SMTC in a kaihruai a, inlawmna thu sawiin report a pe nghal a, chairman hian training hawnna neiin thuchah a sawi nghal a, Rev. C. Chawngliana, Resource person-in malsawmnain inkhawm a tin a ni. Hetiang hunah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zirna hun tha tak buatsaih a ni thin a, Kohhran thlarau lam nun enkawl dan tha te zir ho thin a ni bawk. SMTC hi kum 1993 Synod-in din tura a rel angin January 12, 1996 khan din a ni a, a tira a hming chu Christian Multipurpose Training Centre tih niin kum 2001 Synod khan a hming hi Synod Multipurpose Training Centre tiin a thlak leh a ni. Kohhran Upate tana Lay Leadership Training hi kum 1996 atang khan neih tan niin vawi 206 lai neih a ni tawh a, Kohhran Upa 6602 zetin training hi an nei tawh a ni.