March 24, 2019 (Pathianni) chawhma khan Noagang-ah Tripura Provisional Synod chu Synod puitlingah PCI Moderator Rev. Lalramliana Pachuau-in a hlangkai. Synod thar hawn hmanpui hian Mizoram Synod atangin mi 22 kalin Mizoram Synod choir leh Kanhmun Bial atangin an kal bawk. Tripura-ah hian kum 1976 atang khan Thlarau Bo Zawngtute(TBZ) ten rawngbawlna an nei a. Kum 1986-ah Synod Mission Board chuan Field atana pawmin thawktu dah tan a ni a, field thang chak berte zing a mi a lo ni ta a ni. Kum 2012 Mizoram Synod Inkhawmpuiin PCI General Assembly-ah Tripura chu Synod hranga awm turin a thlen a, kum 2014-ah PCI General Assembly chuan zirchiang tur(Study Team) dinin hmalak a ni a, kum 2016 PCI General Assembly chuan Provisional Synod-a hlan kai a rem ti a, kum 2017 khan Provisional Synod-ah puan an ni ta a ni. Tripura Synod Puipate chu hetiang hi an ni: Moderator : Rev. Uttam Hrangkhawl Moderator (Elect) : Rev. Kiran Debbarma Secretaries: Rev. Jehu Laldintluanga (Sr.) & Elder Jahrmanik (Jr.) Finance Officers : Rev. Chawngmunrai & Rev. G.B Kaipeng Statistician : Rev. Ricky Lalchhanchhuaha Executive Secretary : Rev. Chawngmunrai, te an ni.