Vawiin (April 9, 2019) chawhnu dar 1:30 khan Synod Moderator Rev. R. Lalhmingthanga hovin Synod Choir te Wales kal turin an chhuak ta. Wales kal tur thlahna hi Synod Office Devotion Room-ah hman a ni a, Rev. R. Lalhmingthanga, Synod Moderator chuan a kaihruai a, Rev. K. Lalrinmawia, Executive Secretary i/c KTP-in tawngtaiin a thlah. Wales kal turte hi Mizoram Synod Moderator Rev. R. Lalhmingthanga leh Mizoram Synod Choir te bakah Rev. Dr. K. Lallawmzuala, CKTP Leader, Upa Rosangliana, CKTP Asst. Leader leh Dr. David C. Vanlalfakawma, CKTP Comt. Member (Director, Mizoram Synod Choir) te an ni. Zanin hian Silchar-ah an riak ang a, Silchar atangin Kolkata-ah thlawkin, Kolkata atang hian London an pan tlang tawh dawn a ni. April 29 hian Aizawl rawn let leh tura beisei an ni a; May 1, 2019 hian Myanmar panin an chhuak leh ang. Mizoram Synod Choir-te hi International Choral Festival-a an tel dawn bakah, Synod Moderator ho hian Good Friday leh Easter Sunday hian Wales-a kohhran hrang hrangte an tlawh bawk ang. [wpdevart_gallery lost_ids="" gallery_id="590" album_id="2251" popup_albums_themes="" popup_themeid="1" theme_id="1" order_type="kirpich"]