April 19, 2019 (Zirtawpni) hi Good Friday a ni a, April 21, 2019 (Pathianni) hi Easter Sunday a ni bawk a. April 18 (Maundy Thursday) atangin Good Friday Programme hi hman tan a ni. Presbyterian Kohhran chuan Good Friday leh Easter Sunday thupui inang tlang an zirho ang. April 18, 2019 (Ningani Zan/ Maundy Thursday) Thupui : Mi vengpui rawh u Chhiar tur : Mt. 26:36 - 46 April 19, 2019 (Zirtawpni) Good Friday Chawhma Inkhawm Thupui : Isua an hnawl Chhiar tur : Lk 23:13-25 Chawhnu Inkhawm Thupui : Ka pa, anni hi ngaidam rawh Chhiar tur : Lk. 23:26 - 38 Zan Inkhawm Thupui : Kraws - Inremna Chhiar tur : Rom 5:8 - 11, Eph. 2:11 - 18 April 21, 2019 (Pathianni) Easter Sunday Chawhma Inkhawm Thupui : Thihna hnehin a tho leh ta Chhiar tur : Mk. 16:1 - 8, Rom 6:9 - 11 Chawhnu Inkhawm Thupui : Tholeh Lalpa nena len dun Chhiar tur : Lk. 24:28 - 32 Zan Inkhawm Thupui : Amah angin kan tho leh ang Chhiar tur : I Kor. 15:12 - 34 Good Friday leh Easter Sunday hi Krismas te anga a Ni ngai hman a ni lo va, a chhan chu Lal Isua thih hun lai hi Judate Kalhlen Kut hman lai vel Nisan ni 14 vel a ni a, chu chu March thla chawhnu lam, March 20 hnu, April ni 25 hma lam si, thla fang bial lai a ni a. Chuvangin tun thleng hian Good Friday hun hi March ni 20 leh April ni 25 inkara thla fang bial lai, Zirtawpni hi a ni ta zel a. Good Friday hma Pathianni hi Tumkau ni -ah hman a ni a, Good Friday zawh Pathianni hmasa ber chu Isua Thawhlehni, Easter Sunday a ni ta zel a, Easter Sunday atanga chhuta ni 50-na chu Pentikos ni a lo ni ve leh bawk a ni. Thla fang bial lai chhuta a hun leh ni ruat thin a nih avangin heng ni pawimawh te hi a hun leh ni a danglam deuh hret hret thin a ni. Maundy Thursday (April 18, 2019) zana Lalpa Zanriah thehtu tur Pastor leh an kalna tur Kohhran