Vawiin (April 23, 2019) chawhma dar 10:00 khan Synod Social Front buatsaihin Stakeholders Interactive Meeting, Synod Conference Centre-ah neih a ni a, meeting-ah hian pawl hrang hrang 20 atangin aiawh tel tura sawm an ni a, mi 26 an tel thei a ni. Meeting hi Rev. K. Lalrinmawia, Executive Secretary i/c Synod Social Front-in kaihruaiin hunserh a hmang a, hemi hnu hian mi sawmte inhmelhriattirna (self introduction) neih a ni. Pu R. Lalnuntluanga, Synod Social Front Coordinator-in Synod hma lak tum dan a sawi hawng a, chumi zawhah Synod hma lak tum dan tihhlawhtlin theih dan tur leh Pawl hrang hrangte kan thawh ho theih dan tur leh hma lak dan turte tih hmangin sawihona hun tha tak neih a ni. Upa C. Chawngthantluanga, Synod Social Front Executive Committee member-in lawmthu a sawi a, Upa Dr. B. Lalrinsanga, Synod Social Front Executive Committee member-in tawngtaiin meeting a khar. He inrawnkhawmna hi kum 2017 Synod-in HIV/AIDS do kawnga chak zawka hmalak rawtna a neih Synod Executive Committee (SEC) bawhzui tura dah hmalak chhohna niin a tihhlawhtlin theih dan tur leh pawl hrang hrangte thawhho theih dan tur leh hma lak dan turte sawiho a ni.