Vawiin (May 21, 2019) chawhnu dar 1 khan Synod Higher Secondary School chuan kumin a HSLC leh HSSLC-a zirlai ti tha te chawimawina hun (Felicitation Programme) an hmang.
Programme hi Pi Zirkungi, Vice Principal-in a kaihruai a, Pu P.C. Lalrinpuia, Coordinator-in hunserh a hmang. Pu Lalvena Hnamte, Principal, Synod Higher Secondary School leh Synod Higher Secondary School Alumni Association atangin thusawi ngaihthlak a ni a, a duh apiang tan thusawina hun hawn a ni bawk. Zirtirtu lam atangin HSLC leh HSSLC result sawizauna leh zirlai ti tha te thilpek hlanna hun hman a ni a, Alumni Association ten thilpek an hlan bawk.
Tun tumah hian Synod Higher Secondary School atanga HSLC exam 98.9% in an pass a, Lalchawimawii chu Science subject-ah mark hmu sang ber (Topper) a ni. Zirlaite hi Distinction-ah 63, First Division-ah 86, Second Division-ah 31 leh Third Division-ah 4 an pass a ni. HSSLC (Arts) exam 94.5% in pass-in, Top 10-ah mi pahnih an lang. Chungte chu : Pathumna - Lawmnasangzuali (Subject Topper in Education) Palina - Biakrinawmi (Subject Topper in Public Administration) HSSLC (Arts) ah hian Distinction-ah 33, First Division-ah 84, Second Division-ah 75 leh Third Division-ah 15 in an pass a ni.
HSSLC (Science) exam 94.4% in an pass a, Top 10-ah mi 3 an lang. Chungte chu : Parukna - F. lalmuanpuia Pasarihna - Ramnghakmawii Sawmna - Vanlalhriatpuia HSSLC (Science) ah hian Distinction-ah 19, First Division-ah 75 leh Second Division-ah 8 in an pass a, P.C. Liantluangpuii chu English Subject Topper a ni.