June 9, 2019 (Pathianni) hi Pentikos Ni a ni a. Pentikos tih awmzia hi 'Sawmngana' tihna a ni. Thuthlung Hlui-ah chuan Kalhlen Kut tiak ni atanga ni sawmnganaah an hmang thin. Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni ta a ni.
Pentikos Ni hian hetiang hian thupui inang tlang zirho a ni ang :
Chawhma Inkhawm -
Thupui : Thlarau Thianghlim - Thiltihtheihna petu
Chhiar tûr : Tirh 1 : 4 & 5, 2 : 1 - 4
Chawhnu Inkhawm -
Thupui : Thlarau Thianghlim - Thlamuantu
Chhiar tûr : Jn 14 : 15 - 17, 16 : 7 - 11
Zan Inkhawm -
Thupui : Thlarau Thianghlim - Krista Thuhretu
Chhiar tûr : Jn 15 : 26 & 27, Tirh 1 : 6 - 8
Zan inkhawmah PCI General Aseembly puala tawngtai rualna hun atan hman thin a ni a, zan Inkhawmah thawhlawm hi PCI General Assembly pual tur a ni ang a, thawhlawm lakkhawm te hi Bial Treasurer kaltlangin Synod Office-ah thehluh tur a ni. PCI General Assembly Headquarters, Shillong atangin tawngtai thupui tur duansa hmangin tawngtai rualna neih a ni ang.