Synod Bookroom chuan kumtina an lo tih thin angin vawiin (June 13, 2019) khan Synod Bookroom Distributor’s Meet 2019 chu Synod Office Devotion Room-ah an hmang.
Report atanga a lan danin kum kalta khan Synod Bookroom hnuaia Distributor 37 te target belhkhawm hi a vaiin Rs. 1,12,00,000/- a nih thu leh hemi atang hian Rs. 2,18,60,521/- lai hmuh a nih thu tarlan a ni. Distributor te’n target an khumna hi Rs. 10660521/- lai a tling a ni.
Kum kaltaa Synod Bookroom Distributor tha thlanna result puan a ni a, Pu Lalhruaitluanga Ralte, General Manager, PRESCOM chuan Branch tithate hnenah lawmman a sem a. Tehna ki hrang hrang palia inteh a nih hnuaah hetiang hi kum 2018-2019 chhunga Synod Bookroom Distributor intehna result chu a ni :
Pakhatna - Synod Bookroom Thenzawl Distributor
Pahnihna - Synod Bookroom Khawhai Distributor
Pathumna - Synod Bookroom Khawbung Distributor
Tun dinhmunah Synod Bookroom hian Distribution Centre 37 nei mekin a thar pahnih hawn leh tura pawm fel tawh a ni bawk. Synod Bookroom hian Mizoram pawn, Shillong-ah pawh Distribution Centre hi a hawng tawh a ni.