July 7, 2019 (Pathianni) hi Health Sunday & Hospital Sunday (Damdawi In Pathianni) a ni a. Mizoram Presbyterian Kohhran chuan Hospital Sunday hi kum 1928 atang khan a hmang tan a, kum 1981 atangin July Pathianni hmasa ber hi ni bik atan hman a ni ta a ni.

Kum 1985 Synod Inkhawmpui thu angin 1988 atang khan Phâr Pathianni (Leprosy Sunday) hman thin a ni a. Kum 2004 Synod Inkhawmpui chuan phâr pual chauh ni lovin natna dangte pawh huamin 'Health Sunday' tiin a thlâk ta a ni.

Synod Inkhawmpui thurel bawhzuiin kum 2006 atang chuan Health Sunday tiin hman tan a ni a. Kum 2008 Synod Inkhawmpuiin Health Sunday leh Hospital Sunday hi Pathianni vawi khatah a ruala hman ni se, tia a rel (Gen. 67) angin kum 2010 atang chuan Health Sunday leh Hospital Sunday chu a rualin ni khatah hman tan a lo ni ta a ni.

Health Sunday thupui kan zir tawh te chu hetiang hi a ni:-
Kum 2015	- Ruih theih thil leh a nghawng tha lote
Kum 2016	- Zunthlum leh Thisensâng chungchang
Kum 2017	- Kala lung
Kum 2018	- Zu leh a kaihhnawihte awm (Kidney Stone)

Kumin 2019 hian Natna khirhkhan tuarte enkawlna tih kan zir dawn a. Kumin hian Health Sunday pualin chawhnu hman a ni ang a. Zan chu Hospital Sunday puala hmangin thilpek lak khawm a ni ang. Thilpek chu Synod Hospital Charity Fund pual a ni ang a, Bial Treasurer kaltlangin Synod Office-ah theh luh tur a ni.

Kumin Health Sunday & Hospital Sunday atan hetiang hian programme duan a ni:
Chawhnu Inkhâwm	Health Sunday Pual
Thupui	Natna khirhkhan tuarte enkawlna
Chhiar tur	Rom 8 : 35 - 39; I Thessalonika 5 : 23
Zan Inkhâwm	Hospital Sunday Pual
Thupui	Tidamtu Isua
Chhiar tur	Matthaia 4 : 23 - 25; 9 : 20 - 22

 

Tun dinhmuna Synod Hospital, Durtlang-a thawktu awmdan chu hetiang hi a ni:
Doctor	41
Nursing Staff & sister	166
Nursing School tutor	9
Para Medical Staff	27
General Staff	124
Thawktu zawng zawng	367
Damdawi In khum awm zat	355

 

Synod Hospital report leh thuchah duh tan   2019 Hospital Sunday Report & Thuchah