Central KTP-in Kristian Thalai Chanchinbu kum 50 tlin puala Inter-Branch KTP Quiz a buatsaih chu zanin (Aug. 22, 2019) atang hian Dawrpui Kohhran Centenary Hall-ah Semi Final intihsiak tan a ni dawn ta.
Inter-Branch KTP Quiz-ah hian Branch hrang hrang aiawhten July thla khan Elimination Round an nei tawh a, chuta a ti tha Branch 20 ten zanin atang hian Semi Final intihsiakna hi an hmachhawn dawn a ni. Semi Final hi zan dar 6:00-a tan tur a ni a, KTP chanchin, Presbyterian Kohhran chanchin, Kristian Thalai chanchinbu leh Bible thu atangtein zawhna a kal ang a. Semi Final-a lutte hian anmahni Branch atangin tawiawmtu mi 20 aia tam lo theuh an nei thei ang.
Semi Final-a a ti tha Branch pangaten Final an lut ang a, Final hi Zirtawp zan (Aug. 23, 2019)- ah neih leh tur a ni a, zan dar 7-a tan tur a ni. Final-ah hian tawiawmtu mi 50 aia tam lo an nei thei thung ang.
Quiz-ah hian pakhatnain Rs. 1,00,000/-; pahnihnain Rs. 40,000/-; pathumnain Rs. 20,000/- bakah trophy leh citation an dawng bawk ang. Palina leh panganain Rs. 5,000/- ve ve bakah citation an dawng ang a, Semi Finalist ten Rs. 2,000/- leh citation an dawng bawk ang.
Inter_Branch KTP Quiz hi Hruaina Eng channel (LPS - 123 & Zonet - 12)-ah Live-a tihchhuah tur a ni.