Synod Finance Committee vawi 131-na chu vawiin (Sept. 3, 2019) khan J.M. Lloyd Hall, Synod Office-ah an thukhawm a, meeting-ah hian Aizawl khaw pawn member 27 an lo tel a, Aizawl khawpui chhung member 21 an tel bawk a; an vaiin mi 48 an tel a ni.
Committee hi Synod Moderator Rev. R. Lalhmingthanga’n a kaihruai a, Secretary leh Finance Officer Report ngaihthlak a ni. Reports-ah hian Annual Statement of Account 2018-2019 chu SEC 280 of 4-6.6.2019-in a pawm thu te, June 19-26, 2019 chhungin Chartered Accountant Audit tluang taka neih a nih thu te, Sum vawn dan training leh Finance Campaign hmun hrang hrangah neih a nih thu te ngaihthlak a ni. April 2019 - August 2019 chhunga sum dinhmun tarlan niin sum hmuh zawng zawng chu Rs. 1,06,13,08,070/- (Nuai singkhat zaruk sawmpathum leh sangriat sawmsarih) a ni.
Tun tum Finance Committee-ah hian Agenda 8 awmin Hmangaihna In tana Donation hman dilna chungchang leh Synod Social Front-in CASA nena an thawhhona sum donation hman an dilna chungchang te chu a langsar zualte an ni.