September 15, 2019 (Pathianni) hi Naupang Sunday School Department hnuaia Senior Department Inkhawmpui Ni a ni a, Presbyterian Kohhran hnuaia Bial leh Kohhran hrang hrangah Senior Department Inkhawmpui hi hman a ni ang. Bial thenkhatah chuan inrinni zan atanga nei tan tur an awm bawk.
Bial Sunday School Committee kut anih avangin Bial hrang hrang te kalpui dan erawh a dang deuh hret hret hlawm. Bial thenkhatah intihsiak anga kalpui anih laiin, thenkhatah chuan Speaker te sawma intawhkhawm anga hmangin, Kohhran tin ten Item an nei a, tin, Speaker nei lem lova, Intawhkhawm anga hmang pawh an awm thin bawk.
Kum 1947 Sunday School Committee chuan, "Nula leh Tlangval Sande Sikul Pawl zirlai hran neih rawtna kha a la ding zel a, zawiin la ngaihtuah se tih a ni" tiin a rel a. Tichuan Senior Department hi kum 1954 atang khan neih tan a lo ta a. Kum 2018 Synod Inkhawmpui report-a a lan danin MSSU hnuaiah hian Senior department zirlai 29,494 leh zirtirtu 4,748 an awm mek a ni.