Vawiin (Sept. 25, 2019) khawn PCI General Assembly Executive Committee Special Meeting, J.M. Lloyd Hall, Synod Office-ah neih a ni a, hetah hian palai 68 atangin mi 51 an kal thei a ni.
Tun tumah hian PCI Historical Note sawihona leh thil tul dangte ngaihtuah tura chhawpchhuah a ni a. Hemi bakah hian PCI Biennial General Assembly 2020, Ri Bhoi Synod-a neih turah Church of South India (CSI) leh Church of North India (CNI) atangin palai 2 ve ve tel tura sawm nise, an ti a. Manipur Presbyterian Singlup Synod dinhmun chungchang ngaihtuah tura High Power Committee din chuan a hmalak tawhna tlangpui a report a. He High Power Committee hi ruahmanna siama Executive Committee leh huna report thehlut tura tih a ni.
Executive Committee hi Shillong leh Silchar-ah neih thin a ni tlangpui a, tun tumah hian Mizoram Synod-in kum 13 hnuah a thleng ve leh ta a ni.