Kumin 2019 Beihrual programme kal zelah September 29, 2019 (Pathianni) hian “Nu leh Pa Ni leh Kristian Chhungkaw Ni” hman a ni dawn a, Pathianni chawhnuah “Nu leh Pa Ni” programme hman a ni ang a, 'Nu leh Pa thu awih' tih thupui zir a ni ang a, Zanah “Kristian Chhungkaw Ni” proramme hman a ni leh ang a, 'Chhungkuaa nun ho dan tha' tih thupui zir ho a ni leh ang.
Beihrual programme hi September 1 atang khan hman tan a ni a. September 2 - 8 chhung khan 'Ramthar Hapta' hman a ni a, September 9 - 22 chhung khan 'Kristian Nun Kaihhruaina' hrang hrang zirho leh a ni a, September 23 - 29 chhung hian 'Kristian Chhungkaw Hapta' hman a ni leh a ni.
Beihrual hi kum 1918 June thla atanga hman tan a ni a, kum 1925 atangin September thlaah neih thin a ni a, kum 1947 atangin Nilai Zan Thupui Bu leh Beihrual Thupui hi bu khata siam tan a ni.