Mizoram Synod hnuaia Inkhawmpui lian ber dawttu Presbytery Inkhawmpui chu Oct. 10 - 13, 2019 chhung hian Presbytery hrang hrangah neih a ni dawn a. Presbytery thenkhat chu Oct. 11, 2019 atanga tan an awm bawk ang.
October 10-ah Nomination Committee te, Finance Committee te leh Sub - Pastoral Committee te an thu a, Kohhran Upa thlan tharte Exam buatsaih a ni bawk a, zan inkhawmah Palai lawmna leh Bial Report ngaihthlak a ni ang.
Oct. 11 & 12, 2019 (Zirtawpni leh Inrinni)ah Rorel Inkhawm neih a ni ang a, zan lamah vantlang Pathian biak Inkhawm neih a ni ang. Pathianni chawhmaah Upa Nemngheh Inkhawm, chawhnuah Lalpa Zanriah Sakramen leh Upa thite sunna inkhawm a awm ang a, zanah Presbytery Moderator kalchhuak ten Valedictory Sermon an sawi ang.
Synod Puipaten hetiang hian Presbytery Inkhawmpui an hmanpui ang:
| Kal tur | Presbytery hming | Inkhawmpuina hmun |
| Rev. R. Lalhmingthanga, Moderator | Tuivai Presbytery | Phullen |
| Rev. R. Vanlalnghaka, Synod Secretary (Sr.) | Tawi Presbytery | Hmuntha |
| Rev. Vanlalrova Khiangte, Synod Secretary (Jr.) | Chhimchhak Presbytery | Chhiahtlang Venghlun |
| Rev. Lianhmingthanga Sailo, Sr. Exe. Secretary | Lunglei West Presbytery | Lunglei Bazar |
| Rev. B. Sangthanga, Executive Secretary | Ramlai Presbytery | Thenzawl Field Veng |
| Rev. K. Lalrinmawia, Executive Secretary | Tuichang Presbytery | Khawzawl Dinthar |
| Rev. Lalramliana Pachuau, Finance Officer | Champhai North Presbytery | Champhai Vengthar |
| Upa C. Lalbiakthanga, Statistician | Chhimphei Presbytery | Phulpui |