October 20, 2019 (Pathianni) zan inkhawmah NEICC puala tawngtai rualna hun hman tur a ni a, NEICC pualin thawhlawm lakkhawm a ni ang.
NEICC Report tlangpui
North East India Christian Council (NEICC) hi kum 1937 khan Assam Christian Council tih hmingpuin din a ni a. Tuna a hming ang hian kum 1962 khan thlak a ni. NEICC hnuaiah hian Thalai Pawl (NEICC Youth Assembly) leh Hmeichhe Pawl (NEICC Woman Assembly) te chu hotu hran neia mahnia inrelbawl hrangin an awm mek a ni.
NEICC hi National Council of Churches (NCCI) a inziaklut a ni a, United Christian Forum North East India-ah a hnarkaitu pawimawh tak a ni bawk; he pawl hi India hmarchhaka Kohhran pawl hrang hrang, Roman Catholics chena an telna a ni. NEICC secretary hi Forum lamah pawh secretary a ni nghal bawk.
NEICC hmalakna pui leh pawimawh tak pakhat Union Christian College (UCC) hi kum 1952 a din a ni a. Tunah hian zirlai 1000 dawn lai Arts, Commerce leh Science stream-ah te an awm mek a, hmeichhia leh mipa kal kawpna college niin, chenchilh (residential) a zirna hmun a ni. NEICC hian kum 2016 atang khan UCC Higher Secondary School hmalakna UCC Campus-ah vek hian a kalpui bawk a; kum 2019-ah zirlai 329 lai an awm hman a ni.
NEICC hian kum hnih danah rorel inkhawm a nei thin a; rorel inkhawm leh chu Jalukie Baptist Kohhranin May 14-17, 2020-ah a thleng ang. Rorel inkhawmah hian India hmarchhaka kohhran hrang hrangte zingah thawhhona tha a awm theihna tur te, Kohhran leh Sawrkar inkarah inkungkaihna tha a awm theihna tur te, hnam hrang hrang inkarah remna leh muanna a awm theih dan tur te rel thin a ni a, thil thleng milin seminar/consultation te buatsaih a ni bawk thin.
Kum 2018-2020 Council hruaitute chu :
| President | Rev. Dr. KethozelhoeKeyho, | |
| Nagaland Baptist Church Council, Nagaland | ||
| Vice President | Rev. Dr. Laiu Fachhai, Evangelical Church of Maraland, Mizoram | |
| Rev. H. L. Myrsing, Ribhoi Presbyterian Church, Meghalaya | ||
| Secretary (full time) | Rev. Dr. Ramengliana, Manipur Presbyterian Church Synod, Manipur | |
| Treasurer | Rev. Dr. Brightstar Syiemlieh, KJP Synod Sepngi, Meghalaya |
Tawngtai Thupui :
1. NEICC member kohhran hrang hrangte zingah inkungkaihna tha a awm avanga lawmthu sawina
2. Mikhual thlenna room thar leh Conference hall thar kan neih tak avanga lawmthu sawina
3. NEICC in website thar (www.neiccshillong.in) a neih tak avanga lawmthu sawina
4. NEICC member – Kohhran hrang hrang 35 leh para-church 17 ten an rawngbawlna theuh tha taka an hlenchhuah theih nan leh inrem taka an thawhho zel theih nan
5. NEICC Woman Assembly tan - thawhhona tha tak nen an rawngbawlna te an hlenchhuah theih nan
6. NEICC Youth Assembly tan – thalaite zingah chak taka rawngbawlna an kalpui zel theih nan
7. NEICC hruaitute leh an chhungkua te tan
8. Union Christian College-a thawktute leh zirlai zawng zawngte tan
9. Kum 2020-a Rorel Inkhawm thlengtu tur Jalukie Baptist Kohhran tan