October 18-20, 2019 chhung hian Masihi Sangati Convention vawi 31-na chu Kolasib Diakkawn Kohhranah neih a ni dawn a, thupui atan “Kristian Nun - Rinawmna” tih an hmang ang. Speaker Pastor Lalthatluanga i/c Aizawl Hmar Bial hnen atangin ngaihthlak thin a ni ang.
October 18 (Zirtawpni) zanah inlawmna inkhawm neih a ni ang a, Moderator Rev. R. Lalhmingthanga hnen atangin Pathian thuchah ngaihthlak a ni ang. October 19 (Inrinni) chawhmaah vantlang Pathian Biak inkhawm a awm ang a, chawhnu lamah fellowship leh cultural programme-in hun hman a ni ang a, zanah vantlang Pathian Biak inkhawm neih leh a ni ang. October 20 (Pathian) chawhmaah vantlang Pathian Biak inkhawm neih leh a ni ang a, chawhnuah Lalpa zanriah sakramen Pastor Jimmy M.S. Dawngliana, Aizawl Central Bialtu-in a theh ang a, zanah vantlang Pathian Biak inkhawm neih leh a ni ang.
Inkhawm apiangin Synod Mission Choir, Area Choir leh Bial Masihi Sangati hrang hrang hnen atangin Pathian fakna hla ngaihthlak thin a ni ang a, a remchan dan angin a mamawh te tan Counselling class neih thin a ni bawk ang.