Oct. 17, 2019 (Ningani) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor nupui Intawhkhawm vawi 41-na neih a ni a. He hunah hian Pastor nupui 138 an kal thei a ni.
Chawhma hun hi dar 10-ah tan a ni a, Pi Nubuangi w/o Rev. R. Lalhmingthanga, Synod Moderator-in a kaihruai a, Pi Lalzikpuii w/o Rev. Rohnuna (L), Tlangnuam-in hunserh a hmang. Pi Ramluimawii w/o Rev. B. Sangthanga, Executive Secretary-in thupuanna hun hmangin inhmelhriattirna hun a hmang a, Sunna hun hman a ni bawk. Aizawl Theological College (ATC) a Pastor nupuite zaipawl ngaihthlak a ni a. "Pastor nupuite mi min hmuh dan leh beisei dan" tih thupui hmangin Upa H. Zoliana, Ramhlun hnen atangin thuchah ngaihthlak a ni. Synod Officers Meeting (OM) aiawhin Rev. B. Sangthanga, Executive Secretary-in chibai bukna a sawi bawk. Chawhnu lam hun chu dar 1-ah tan a ni a, Pi Lalthanpuii w/o Rev. Lianhmingthanga Sailo, Senior Executive Secretary-in a kaihruai a. Pi Vanlalrovi w/o Rev. A.K. Dawia, Venghnuai-in hunserh a hmang leh a, Pi Lalrammawii w/o Rev. Zosangliana Fanai, Synod Office zai ngaihthlak a ni a, item hrang hrang - Extempore, Games leh Eye Donation Awareness Campaign-in hun an hmang a. Tlaiah zanriah an kilho nghal a ni.
Presbyterian Kohhran Pastor Nupuite hian kum tin intawhkhawmna hun an hmang thin a, mi thiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.