Synod Inkhawmpui atana Synod Department hrang hrangte inruahman lawkna Committee chu Oct. 21, 2019 atang khan neih tan a ni.
Oct. 21, 2019 khan Pension Provident Fund Board an thu a, Meeting hi Rev. R. Lalhmingthanga, Synod Moderator-in a kaihruai a, Meeting-ah hian Secretary report leh Treasurer report te ngaihthlak a nih hnuah Synod inkhawmpuia report tur, Secretary-in a buatsaih te ngaihthlaka sawiho a ni a, Synod Pension and Provident Fund Board Budget 2019 - 2020 ruahmanna pawm a ni bawk.
Oct. 22, 2019 khan PRESCOM Board an thu a, Oct. 23, 2019 khan Sunday School Committee an thu leh a, Meeting hi Rev. R. Lalhmingthanga, Synod Moderator-in a kaihruai a, Secretary hnen atangin report ngaihthlak a ni.
Oct. 24 & 25 hian Mission Board an thu leh a. Oct. 28, 2019-ah Theological Education Board, Oct. 29, 2019-ah Hospital Board, Oct. 30, 2019-ah Pastoral Committee, Oct. 31, 2019-ah Education Board leh Nov. 1, 2019-ah Synod Literature & Publication Board te an thu leh ang.