Nov. 18, 2019 (Thawhtanni) chawhnu dar 1:30 khan P.C. Girls' School Office Building thar chu Rev. R. Lalhmingthanga, Synod Moderator-in Pathian hnenah hlanin a hawng.
Building thar hlanna inkhawm hi Rev. K. Lalrinmawia, Executive Secretary i/c Education-in a kaihruai a, chairman-in inhmelhriattirna a neih hnuah Pi Zaithanchhungi, Headmistress hnen atangin report ngaihthlak a ni a, Synod Moderator Rev. R. Lalhmingthanga'n Building thar hi Pathian hnenah hlanin a hawng a ni. Thusawi tawi Rev. B. Sangthanga, Executive Secretary leh Pi Lalropuii, Former Headmistress te hnen atangin ngaithlak a ni a. P.C. Girls' School zirtirtute hnen atangin Group Singing ngaihthlak a ni bawk. Hun tawpah Pi Lallianpuii, Asst. Headmistress-in lawmthu a sawi a, tlaiah Building thar hawnna ruai kilho nghal a ni.
Building thar hi Oct. 20, 2016-ah ban khur laih tan a ni a, Oct. 28, 2016 chawhmaah Headmistress Pi Zaithanchhungi'n a lungphum a phum a, building hi chhawng li (4) a sak niin Aug. 14, 2019 khan luah luh tan a ni a, Rs. Nuai 194 senga sak a ni.