College of Nursing, Synod Hospital, Durtlang chuan November 23, 2019 (Inrinni) chawhnu dar 1:00 khan Oath Taking vawi 46-na, Lamp Lighting Ceremony & Graduation Day vawi 18-na, Synod Hospital Auditorium-ah an hmang a, Synod Moderator Rev. R. Lalhmingthanga chu Khuallian a ni.
Dr. L.H. Thanga Singson, Director-in inlawmna thu a sawi a, Pi Rosailovi, Asst. Nursing Superintendent-in Bible chhiar leh tawngtaiin hunserh a hmang. Pi C. Lalrintluangi, Principal-in report a pe a, Pi Lalbiaksangi, Jt. Director, Nursing (Rtd.)-in Oath taking leh Lamp lighting hun a hmang bawk. Pi C. Thangkhumi, Vice Principal-in Graduate tharte lawmna leh fuihna thu a sawi a, Nurse zirnaa tithate hnenah Khuallian, Rev. R. Lalhmingthangan lawmman a sem a, thu a sawi nghal bawk. Rev. R. Vanlalnghaka, Synod Secretary-in Graduate tharte leh Zirlai tharte tawngtaisakna hun a hmang a, Miss. R. Lalchhanhimi, Nursing Superintendent-in thusawiin zirlai titha te hnenah lawmman a sem. Award hrang hrang sem leh a ni a, Pi Lalbiaksangi, Jt. Director, Nursing (Rtd.) leh zirlai kalchhuak tur aiawh ten thu an sawi a, zirlai chhuak tur leh zirlai thar nu leh pa te hnen atangin thusawi ngaihthlak a ni bawk.
College of Nursing, Synod Hospital-ah hian tun dinhmunah GNM Third Year zirlai 29 an awm a, GNM Second Year zirlai 29 awmin First Year B.Sc. (N) zirlai 30 an awm mek a ni. Tunah hian GNM Diploma Course zirlai batch 2 : 2017 & 2018 batch-te an la awm a, kum 2021-ah an zir chhuak vek tawh dawn a. Hemi zawh atang chuan B.Sc (N) hlang an ni tawh dawn a ni.