Nov. 21 & 22, 2019 zan khan Dawrpui Kohhran Centenary Hall-ah Synfo buatsaih Praise On 2019 - Bial Zaipawl Festival chu tluang taka zawh fel a ni. He zaipawl Festival-ah hian Bial Zaipawl 13 an tel a, Bial Zaipawl bakah hian Mizoram Synod Choir, House Band leh zaithiam engemaw zat an inlan bawk.
Zan khatnaah hian Rev. Lianhmingthanga Sailo, Senior Executive Secretary-in hunserh a hmang a, thuchah Rev. Dr. K. Lallawmzuala, Central KTP Leader hnen atangin ngaihthlak a ni a, zan hnihnaah Rev. K. Lalrinmawia, Executive Secretary i/c Synfo-in hunserh hmangin Dr. Robert S. Halliday, Synfo Coordinator-in thuchah a sawi bawk.
Zaipawl Festival-ah hian Award hrang hrang chi 6 siam a ni a, heng award hrang hrangte hi kan mi hmasate leh zai lama sulsutu te hminga siam a ni. Award dawngtute chu : -
Most Appreciated Choir (Pu Rokunga Award) : Bungkawn Bial Zaipawl
Most Appreciated Soprano (Pi Saptawni Award) : Bungkawn Bial Zaipawl
Most appreciated Contralto (Pi Zokhumi Award) : Muallungthu Bial Zaipawl
Most appreciated Tenor (Upa Seletthanga Award) : Zonuam Bial Zaipawl
Most appreciated Bass (Pu Vanmawia Award) : Chhinga Veng Bial Zaipawl
Most appreciated Conductor (Pi Zaii Award) : Bungkawn Bial Zaipawl
He hunah hian Panelist 3 - Pu H. Lalrinmawia, Tv. H. Lalthazuala, Upa Richard V.L. Zara te an ni a, Host te chu Pu R. Zothanliana, Electric Veng Kohhran leh Nl. Lalrindiki Tochhawng, Ramhlun Kohhran te an ni. Programme Coordination hi Dawrpui Branch KTP kutah awmin an ni hian felfai takin programme an kalpui a ni.
Praise On 2019 Pics Click Here
Praise On 2019 Videos Click Here