Nizan (Nov. 28, 2019) khan Pi Zaii Hall, Synod Conference Centre-ah KTP General Conference 2020 Hlabu tlangzarh inkhawm neih a ni.
Hlabu tlangzarh inkhawm hi Central KTP Finance Secretary Upa Lalmuanawma’n a kaihruai a, Tv. Robert Lalduhzuala, Committee member-in hunserh hmangin thupuan te ngaihthlak anih hnuah Upa Lalrinmawia Ralte hnen atangin report ngaihthlak a ni a. Central KTP Leader Rev. Dr. K. Lallawmzuala’n KTP General Conference 2020 Hlabu chu tlangzarhin Pathian hnenah a hlan a ni. He hunah hian malzai te, One in Christ leh Synod Choir te hnen atangin fakna hla ngaihthlak a ni a, Central KTP Asst. Leader Upa. Rosangliana’n malsawmnain inkhawm a tin a ni.
November 30, 2019 (Inrinni) hian YRC hmuna Tawngtaina In chu Pathian hnena hlanna neih a ni dawn a. Hlanna inkhawm tawi hi Central KTP Asst. Upa Rosangliana’n a kaihruai ang a, thupuan leh inhmelhriattirna hun General Secretary T. Upa Rochungnunga’n a neih hnuah Central KTP Leader Rev. Dr. K. Lallawmzuala’n Pathian hnenah hlanin a tawngtaina hun a hmang ang a, Pu P.C. Lalrinsanga, Secretary, YRC Sub-committee-in YRC hmalakna report tlangpui a pe bawk ang.