Synod Inkhawmpui vawi 96-na chu Dec. 3 - 8, 2019 chhung hian Mission Veng Bialin thlengin, Mission Veng Kohhran Biak Inah neih a ni dawn a, kumin Synod Inkhawmpui Thlarau lam thupui chu 'Nang malsawmna ni ang che' (Gen. 12:2) tih a ni.
December 3, 2019 (Thawhlehni) chhunah Synod Nomination Committee thuin zan dar 6:30-ah Pathian Biak Inkhawm a awm ang a, Inlawmna leh Reports ngaihthlak a ni ang. Zaipawl pathum - Mizoram Synod Choir, Rengdil Bial Zaipawl leh Champhai Vengsang Bial Zaipawl te an zai ang.
Dec. 4 - 7, 2019 chhungin Rorel a ni ang a, zan lamah vantlang Pathian Biak inkhawm neih thin a ni ang. Dec. 8, 2019 (Pathianni) Chawhmaah Pastor nemngheh leh Pro. Pastor dahngheh inkhawm neih a ni ang. Chawhnuah Lalpa Zanriah Sacrament kilho a ni ang a, Zan Pathian Biak Inkhawmah Moderator valedictory sermon ngaihthlak a ni ang.
Kumin 2019 Synod Inkhawmpuia Synod Puipa turte chu :
Moderator : Rev. R. Lalchangliana
Secretaries : Rev. R. Vanlalnghaka (Sr.) & Rev. Vanlalrova Khiangte (Jr.)
Finance Officers : Rev. Lalramliana Pachuau & Rev. B. Sangthanga
Statistician : Upa. C. Lalbiakthanga
Executive Secretaries : Rev. Lianhmingthanga Sailo, Senior Executive Secretary & Rev. K. Lalrinmawia, Executive Secretary
Tun tum Synod Inkhawmpuiah hian Pro. Pastor-Pastor-a nemngheh tur hi an vaiin 15 an awm a, Pastoral Ministry hnuaia thawk tur 10, Synod Mission Board hnuaia tur 4 leh Manipur Area hnuaia thawk tur 1 an ni.
Pro. Pastor atana chhawpchhuah mi 16 an awm a, Pastoral Ministry hnuaia thawk tur 10, Synod Mission Board hnuaia thawk tur 4 leh Manipur Area hnuaia thawk tur 2 an ni.
Kumin Synod-a ngaihtuah tura chhawpchhuah - Presbytery atanga thulut hi agenda 46 awmin, Synod Executive Committee (SEC) leh Board atanga thu lut hi agenda 38 a awm bawk.
Tun Synod-ah hian Minister thi sun tur 2 (pahnih) an awm a, hetiangin :
- Rev. R. Lianbuanga, October 3, 2019-a thi
- Rev. Remchan Taikam, November 29, 2019-a thi
Synod hnuaia thawktu kum 2020 a pension tur hi 37 an awm a, Pastor pension tur hi mi 14 an awm bawk.
Synod Moderator Report 2019
I Inchhiarna lam :
1. Presbytery zat - 51
2. Bial zat - 307
3. Kohhran zat - 1,137
4. Branch Church zat - 97
5. Preaching Station zat - 708
6. Minister, Bial vawng - 305
7. Minister, Bial vawng lo zat - 112
8. Masihi Sangati Pastor - 7
9. Minister, chhiartu dang nei lo - 36
10. Pensioner - 125
11. Minister zawng zawng - 585
12. Pro. Pastor zat - 48
13. Kohhran Upa zat - 5,383
14. Pem Upa zat - 332
15. Kohhran Upa zawng zawng zat- 5,715
16. Dan zawhkim zat - 4,30,939
17. Thunun mek zat - 12,148
18. Kohhran member zawng zawng- 6,12,622
19. Chhungkaw zat - 1,32,368
20. Pawl dang atanga lo pakai - 4,729
21. Ringlo hming pe thar - 3,475
22. Pawl danga pakai - 1,424
23. Kohhran chhuahsan - 435
24. Nau piang zat - 8,581 (Mipa - 4,545 + Hmechhia - 4,036)
25. Mitthi - 3,745 (Mipa - 2291 + Hmeichhia - 1454)
26. Sunday School zat - 1,633
27. SS Zirlai zat - 4,33,538
28. SS Zirtirtu zat - 53,450
29. Zirlai leh zirtirtu zat - 4,86,988
II Zirna lam
1. Synod HSS :
Zirtirtu 51
Non teaching 12
Total 63
Zirlai
H/S 445
HSS - Science 250; Arts 492 Total : 1,187
* Result HSLC Pass - 98.92%; HSSLC -ah topper 5 kan nei, Arts-ah 2 leh Science-ah 3.
* Multipurpose Hall mi 1300 len theihna ni 9.7.2019 khan hawn a ni. Hostel 3; Boys & Girls leh Ramthar Hostel kan nei a, zirlai 250 zet Hostel-ah hian an awm a ni. Nimahsela thingtlang lam atanga zirlaite Hostel an in chan loh nasat avangin mi 100 awm theihna tur sak tum leh mek a ni.
2. PC Girls School :
Zirtirtu 30
Non teaching 7
Total 37.
Zirlai 492
* Hostel tha tak kan nei a, zirlai 56 an awm. Tuk tin devotion neih thin a ni. Nilai zanah Aizawl khaw chhung Kohhran 11-ah chang an sawi. Office Building thar November 18, 2019 ah hawn a ni.
* Middle section hian kawr lum phiar te, puan thui leh kawr zai te an zir thin a, Primary section ah laphiar leh keychain siam an zirtir. Tonic solfa, staff notation leh a vuak an zir tel bawk.
3. Presbyterian English School :
PES School 140
PES HS 35
Zirlai zawng zawng 31,832, zirtirtu 1,755. Tunah hian School 5 pawm thar a ni bawk.
4. Aizawl Theolgical College :
Zirtirtu nghet 25
Contract 5
Tunah hian B.D., M.Th. leh D.Th. zirna kan nei. M.Th.-ah hian subject 7 - OT, NT, Theology, History, Missiology, Christian Ministry leh Religion te hawn a ni.
D.Th. zir theihna pawh Theology, Missiology leh NT ah te hawn a ni bawk.
Zirlai
BD 108
MTh 56
DTh 6
Total 170 (Mipa 132 + Hmeichhia 38)
III Thil thar neih :
# Inter-cultural Centre thar cheng nuai 393 zet senga sak chu ni 8.7.2019 khan hawn a ni.
Mikhual thlen theihna room 20, choka leh dining hall leh mi 100 leng tur Conference Room kan nei.
Tin, he Centre chungah hian mi 800 len theihna Hall, Auditorium sak mek a ni bawk. ATC Campus-ah Kraws lian feet 130 a sang siam tum mek a ni bawk.
# Sikulpui (sikulsen tia hriat ni bawk) pawh sorkar-in kan kutah ni 30.5.2019 khan min hlan fel a, zirna vêk atana inhlan kan nih avangin Synod Education Board chuan ruahmanna a kalpui mek.
# Mizoram Christian College pawh kum thar 2020 July-ah hawn tan theih tura ruahmanna kalpui mek a ni bawk.
# Central Service-a Mizote kan tlin tam theihna turin Synod-in hma a la mek a, zirlai thiam thei bik leh beiseiawm te IAS etc. an tlin tam theihna turin ruahmanna a awm bawk.
# Synod Hospital-ah SEC 269 of 8.11.2017 remtihna angin NABL (National Accreditation Board for testing anf Calibaration Laboratories) neih fel a ni. Kan Hospital Laboratory-a test chi hrang hrang result chu khawvel huapa pawm a ni ta.
# College of Nursing zirna pawh ni 20.6.2019 khan hawn a ni a, zirlai 30 ten September atang khan Class an tan bawk.
# Ramthar Board hnuaiah Thawktu 2737, Field 18 (Cambodia telin) kan nei.
Missionary Pastor 99
Field Worker Pastor 21
Pro. Pastor 10
Total 130 an awm mek.
Ringthar October thlenga neih zat 7783 an ni.
* Masihi Sangati rawngbawlna atangin January to November-ah ringthar 3512 kan nei.
* Craft Centre 17, Medical Centre 136, High School 18, Middle School 20 leh Primary School 23 avaiin 61 enkawl a ni.
# Rescue Home-ah hian ruihhlo ngaite enkawl mek zel a ni. 1987 a din tirh atangin damlo 5594 enkawl tawh an ni. Mipa 5167 leh Hmeichhia 827 an ni.
# Synod Inkhawmpuiin Synod Endowment Fund sum nuai 500 tlin tura a rel angin hmalak chhoh mek a ni a, tunah nuai 416 kan tlin tawh.
Kuminah Synod Budget-ah nuai 50 dah a ni a, a bak kan tlin lohna chu Kohhranhote thawh tura beisei a ni. Kumin hian rethei mi 437 leh zirlai mi 134-te hnenah nuai 20 sem a ni.
# Kohhran dinnghehna (Biak in sak tanpuina) Kohhran 70-ah nuai 543 pek chhuah a ni.
# Kohhran Indanna (Biak In hmun leina) Kohhran 26-ah nuai 598 pek chhuak a ni bawk.
# Synod Relief atan Rs. 15,68,000 sem a ni.
# Tripura Synod puitlinga hlan - March 24, 2019
# Sakawrtuichhun Bial thar hawn - May 12, 2019
# FG&CC, Mamit Branch hawn - May 4, 2019
# Pastor thi :
1) Rev. R. Lianbuanga, 3.10.2019
2) Rev. Remchan Taikam - 29.11.2019
Zinna :
Kumin chhung hian Bial 20-a Kohhran 104, Mission Field 10, India khawpui lian Kohhran 6 zinga 5 leh Wales tlawhin ka zin.
Synod 2019 Rorel Day 1 (December 4) Click Here
Synod 2019 Rorel Day 2 Chawhma (December 5) Click Here
Synod 2019 Rorel Day 2 (December 5) Chawhnu & Day 3 Chawhma (December 6) Click Here
Synod 2019 Rorel Day 4 (December 7) Click Here
Synod 2019 Bulletin 1 (Dec. 4) Click Here
Synod 2019 Bulletin 2 (Dec. 6) Click Here
For more Pics Click Here