Dec 17, 2019 khan MSSU buatsaihin Trainers' Meet vawi 9-na Synod Committee Room I-ah neih a ni a, MSSU trainer mi 19 an kal thei a ni.
Trainer's meet hi Rev. B. Sangthanga, Executive Secretary i/c MSSU-in a kaihruai a, Pi Lalpianthangi Hrahsel, MSSU Coordinator-in inhmelhriattirna hun a hmang a, Rev. B. Sangthanga hnen atangin fuihna thuchah ngaihthlak a ni a. Upa Lalthahluna Ralte, Asst. Coordinator hnen atangin kum thar atana inbuatsaihna hrang hrangte ngaithlak a ni a. Chawhnu lamah Rev. K. Lalpiangthara hnen atangin nakkum 2020 Puitling Sunday School zirlai kamkeu-na ngaihthlak a ni.
Trainers' Meet hi rawngbawl tura infuih tharna hun atan hman a ni deuh ber thin a, Puitling Sunday School zirlaibu ziaktu hovin zirlai zir lawkna an nei.