January 11, 2020 (Inrinni) hi Mizoram Presbyterian Kohhran Din Tan Ni a ni a, thupui inang tlang 'Mizoram Presbyterian Kohhran Tobul - Then I-na leh Then - II-na' zir a ni ang.
Kohhran din tan ni atan January 11, 1894 pawm a nih hnuah kum 2016 Synod Inkhawmpui chuan "Mizoram Presbyterian Kohhran din Tan ni hi Synod Ni pawimawhah telh ve ni rawh se" tiin a rel a, thurel chu SEC-in a lo bawhzui turin a dah a. SEC chuan "Mizoram Presbyterian Kohhran Din Tan Ni January ni 11 hi kum 2018 aTangin hman tan ni sela - Synod Calendar-ah telh ni se, Synod Holliday-ah telh ni se" tiin a rel ta a ni. Kum 2018 Synod Inkhawmpui chuan "January ni 11 hi Kohhran Inkhawm buatsaihin urhsun taka hman ni rawh se" tih rawtna chu tha a ti a, a hman dan tur chu SEC ruahman turin a dah leh a, SEC chuan he thu hi ngaihtuahin ruahmanna siam turin Synod Worship Committee a ruat a, Synod Worship Committee ruahmanna siam chu SEC chuan a lo pawm ta a ni.