Feb. 2, 2020 (Pathianni) chawhnu dar 1:30 hian Chaltlang Kohhran Biak In-ah Synod Mission Board hnuaia thawk tur Missionary tirhchhuah inkhawm neih a ni dawn.
Tirhchhuah inkhawm hi Rev. C. Zorammawia, Secretary, Synod Mission Board-in a kaihruai ang a, Upa Lalbiakenga Fanai, Coordinator, Synod Mission Board-in Missionary tirhchhuah tur te inhmelhriattirna a nei ang a, Rev. K. Lalrinmawia, Executive Secretary i/c Mission-in tirhchhuahna hun hmangin thuchah a sawi ang a. Tirhchhuahte atangin thusawi tawi ngaihthlak a ni bawk ang.
Upa Lalrinmuana, Synod Secretary (Jr.)-in Missionary tirhchhuahte tawngtaisakna hun a hmang ang a. He inkhawmah hian kum 2020-a Missionary pension a chhuakte hnenah Citation hlan an ni bawk ang.
Missionary tirhchhuah tur te hi mipa 13 leh hmeichhia 27, an vaiin 40 an ni a, Anni hian January 8 - 30, 2020 chhung khan Reformation & Camping Centre (R&CC), Lawipu Veng-ah Residential Orientation training an nei tawh a. Orientation training-ah hian an awmna tur chanchin te, rawngbawl dan tur kal hmang te leh thil pawimawh hrang hrang an zir a. Tirhchhuah an nih hnu hian an awmna tur hmun theuh an pan tawh ang.
| MISSIONARY TIRHCHHUAH PROGRAMME | ||
| A hmun | Chaltlang Kohhran Biak In | |
| A hun | February 2, 2020 (Pathianni), 1:30 p.m. | |
| Chairman | Rev. C. Zorammawia, | |
| Secretary, Synod Mission Board | ||
| Tanna | Chairman | |
| Thupuan | 1. Synod Mission Board | |
| 2. Tualchhung Kohhran | ||
| Hla sakho | Nangni chhandam fate tho r’u, (KHB No. 398) | |
| Tirhchhuahte | Upa Lalbiakenga Fanai, | |
| chanchin sawi | Coordinator, Synod Mission Board | |
| Zaipawl | Chaltlang Bial Zaipawl | |
| Tirhchhuahna & | Rev. K. Lalrinmawia, | |
| Thuchah | Executive Secretary i/c Mission, etc. | |
| Zaipawl | Synod Mission Choir | |
| Thusawi tawi | Tirhchhuahte aiawh | |
| Zaipawl | Tirhchhuahte | |
| Tawngtaisakna | Upa Lalrinmuana, Secretary (Jr.), Mizoram Synod | |
| Hla sakho | Lalpa, i rawngbawla min koh hi, (KHB No. 399) | |
| Banna | Chairman kutah | |
| Note : Kum 2020-a Pension-a chhuak ta Missionary-te hnenah citation hlan a ni bawk ang. | ||