Feb. 16, 2020 (Pathianni) hi KTP day a ni a. Kumin 2020 KTP Day hi Pathianni a nih avangin Mizoram chhung leh ram pawna Branch KTP ten programme bik siam a remchang lo thei a. Central KTP Committee-in KTP Day hman dan tur ruahmanna thar eng mah a siam hran lo va, Branch-in a remchan dan angin hman thin a ni. Kum danga ruahmanna lo siam tawh sa, heng a hnuaia tarlan atang hian mahni Branch remchan dan anga KTP Day programme hi hman mai tur a ni ang.
1. Biak In hung chhung hmun remchang laia KTP flag tar
2. Biak in leh a vel tihfai
3. Veng chhung tihfai
4. Mi harsa & damlote tanpui
5. Thisen pek
6. A remchan anga KTP thiltum & thupui zirho,
7. A remchan anga mi hlate huikhawm zawnga Branch intihhlimna lam hawi programme buatsaih.