Vawiin (Feb. 17, 2020) khan MPF Governing Board meeting vawi 41-na chu Synod Office Committee Room I-ah an thu.
Meeting hi President Rev. R. Lalchangliana'n a kaihruai a, General Secretary Rev. R. Lalnuntluanga'n report a pe. Report-ah hian 30.8.2019-a Chaltlang, Chhinga Veng leh Kanan Veng Local Council member hmun ruak hnawhkhat tura inthlanna neihah General Secretary-in inthlanna Polling Station zawng zawng a tlawh thu leh hmun tinah MPF Local Forum-te tha taka an duty thu te, 24.10.2019 khan D.C. Conference Hall-ah Sinlung Hills Council inthlanna tur chungchanga meeting-ah General Secretary a tel thu te, Sinlung Hills Council inthlan dawnah tlangdung hrang hrangah MPF-in Campaign an buatsaih thu te, Thawhhona thuthlung siam thar chu Party tin hnenah thawn a nih thu leh an ngaihdan sawi tura hrilh an nih thu te ngaihthlak a ni a, Pu Vanlalthanga, Fin. Secretary hnen atangin October 1, 2019 - January 31, 2020 chhung Finance Report ngaihthlak a ni bawk.
MPF Governing Board Meeting-ah hian Local Council/Village Council inthlan lo awm tur atana inbuatsaihna leh MPF leh Political Party-te Thawhhona Thuthlung siam thar thlirhona te neih a ni.