Synod Social Front buatsaihin February 22, 2020 khan nilengin Synod Office, Devotion Room-ah Ruihhlo leh HIV/AIDS campaigner Orientation neih a ni.
Chawhma lam chu Rev. K. Lalrinmawia, Executive Secretary, i/c. Social Front-in kaihruaiin Orientation hawnna leh hunserh a hmang a, Paper pathum – Ruihhtheih thil leh ruihhlo ngaite nun - Pu K. Siamchhunga, Social Worker, Synod Rescue Home buatsaih te, Ruihhtheih thil leh Mizoram - Upa Peter Zohmingthanga, Asst. Commissioner Hqtrs. Excise and Narcotic Dept. buatsaih leh Ruihhlo chungchanga Sorkar hmalakna - Nl. Vanlalhruaii, Facilitator, Mizoram Social Defence and Rehabilitation Board buatsaih te zirho a ni a, sawihona hun hman a ni bawk.
Chawhnu lam chu Rev. Lallianmawia Pachuau, Director, Synod Rescue Home-in a kaihruai a, Pu R. Lalnuntluanga, Coordinator, Synod Social Front –in Ruihhlo leh HIV/AIDS do kawnga Synod hmalak tawh dan report a pe a. Paper pathum – HIV/AIDS natna leh AIDS vei te nun – Dr. R.L. Sanghluna buatsaih te, HIV/AIDS leh Mizoram – Pu Alan Lalmuanpuia, Prog. Officer, NACO buatsaih te, HIV/AIDS chungchanga Sorkar hmalakna - Dr. Lalthlengliani, Director, MSACS buatsaih te zirho a ni a, sawihona neih a ni bawk.
Synod Social Front chuan HIV/AIDS hi kum 1990 chho vela tang khan a lo buaipui tawh a, kum 1992 te pawh khan HIV/AIDS chungchang zirhona te pawh a lo buatsaih tawhin tun thlengin hma ala chho reng a. Tunah hian Synod Inkhawmpui -in nasa lehzula tan lak ni se a tih angin Kohhranah a tam thei anga campaigner te hi tirchhuah tum mek a ni.