Mizorama Thalai Inkhawmpui lian ber Kristian Thalai Pawl (KTP) General Conference vawi 58-na, Leisekawt Field, Serchhip-a nghah chu zanin (Feb. 27, 2020) atang hian tan a ni dawn ta. Conference hian March 1, 2020 (Pathianni) zan thleng a awh ang.

KTP General Conference vawi 58-na thupuiah ‘Felna Hriamhrei’ (Rom 6:13) tih hman a ni a, speaker atan Rev. R. Lalrosiama, Field Secretary, Delhi Mission Field an hmang ang. Thu zir inkhawma zir turin ‘Eizawnna leh rawngbâwlna’ tih thlan a ni a, sawi turin Dr. Laldinliana Varte, Mission Veng ruat a ni. Bible Study (Character Study) neihpui turin Rev. Rosiamliana Tochhawng, ATC ruat a ni bawk.

Vawiin (Feb. 27, 2020) hi palai thlen kim ni a ni a, zanah Palai Lawm Inkhawm nieh a ni ang. Inkhawm hi CKTP Leader Rev. Dr. K. Lallâwmzuala’n a kaihruai ang a, Rev. K. Lalrinmawia, Executive Secretary i/c KTP-in kumpuan hawnna leh kumpuan film hlanna a nei ang. Rev. Vânlalrova Khiangte, Synod Secretary (Sr.) in Synod Choir Music Video hlanna hun a hmang  ang a, Rev. Lal Rinmawia, Kristian Thalai Editor hmasa ber-in Kristian Thalai Golden Jubilee Souvenir Magazine hlanna hun a hmang leh ang. Synod Moderator Rev. R. Lalchangliana’n Pathian thuchah a sawi ang.

February 28, 2020 (Zirtawpni) chawhmaah Rawngbâwlna Report Inkhawm neih a ni ang a, chawhnuah Variety Programme hman a ni thung ang. Variety Programme-ah hian zai lam chi te, lemchan leh faklâm ti tur 12 lai ruat an ni. Hemi zanah hian Rev. K. Lalrinmawia, Executive Secretary i/c KTP-in Pathian thuchah a sawi ang a, inkhawm banah Fellowship a awm ang.

February 29, 2020 (Inrinni) zing dar 9:00-ah kum 2020–2022 chhunga Central KTP hruaitu tur thlan a ni ang a, hemi hnu hian Conference rorel inkhawm neih chhunzawm a ni ang. Tun tumah hian General Agenda 13 chhawpchhuah a ni a, Agenda floor-a sawiho lova inhrilhfiah tur engemaw zat a awm bawk. Kum 2020-2021 Central KTP Budget ruahmanna leh Bial Budget ruahmanna te pharh a ni bawk ang.  

Rorel hlan hian pandal-ah thu zir inkhâwm leh Bible Study (Character Study) te neih a ni ang a, zan atangin Conference Thupui ngaihthlak tan a ni ang. Inrinni zan inkhawm banah hian Kristian Thalai Chanchinbu Golden Jubilee lawmna leh Concert programme siam a ni a, Mizo zinga Pathian fakna hla sa thin mi lârte an zai dawn a ni. Pathianni chawhma leh chawhnuah Conference thupui ngaihthlak a ni leh ang a, zanah inkhawmah CKTP Leader kal chhuak Rev. Dr. K. Lallawmzuala’n Pathian thuchah a sawi thung ang. Inkhawm apiangin zaipawl 4–6 zai tura beisei an ni.

A thlengtu lam an inbuatsaih nasa hle a, a thlengtute hian a theih chen chenah sawrkar pûr buai lova he Conference hi thlen an tum niin thu kan dawng. Kohhran pawl dangte pawh pandal sâin an hnatlang a, thawh hona boruak tha tak an nei thei hi a lawmawm hle a ni.    

KTP General Conference video coverage buaipuitu tur Synod Information & Publicity (Synfo) thawktuten February 25, 2020 (Thawhlehni) khan Serchhip hi an thleng tawh a, Hruaina Eng Channel (LPS Channel 123-ah & ZONET Channel 12-ah) LIVE a pekchhuah tum a ni.

KTP General Conference Vawi 58-na Programme Click Here

...............................................................................................................

2019 Bial KTP Report Khaikhawmna Bial dinhmun tlangpui :

1. Bial awm zat 207 (Report lut zat 207) 

2. Member tamna Bial 3 
    1) Ramhlun North Bial - 2370
    2) Mission Veng Bial - 2295
    3) Khatla Bial - 2279

3. Member tlemna Bial 3 
    1) Buarpui Bial - 41 
    2) Pune Bial - 71 
    3) Damdep Bial - 94 

4. Branch awm zat - 879 

5. Member awm zat - 1,54,441 (Mipa – 95,729; Hmeichhia – 58,712) 

6. Member tamna Branch 3 
    1) Mission Veng Branch - 1536 
    2) Ramhlun North Branch - 1313 
    3) Chanmari Branch - 1200

7. Member tlemna Branch 3 
    1) Paren Branch (Kohima Bial) - 3 
    2) Tumpanglui Branch (Tuidam Bial) - 5 
    3) Halampunji Branch (Cachar Kahrawt Bial) - 9 

8. Member thi zat 456 (Mipa – 386; Hmeichhia – 70) 

9. Member thi awm miah lohna bial awm zat - 54 

10. Kristian Thalai la tam Bial 3 
     1) Republic Veng Bial - 1239
     2) Mission Veng Bial - 1056 
     3) Electric Veng Bial - 916 

11. Innei zat - 3537 
     1) Biak In-a innei zat - 1584 (44.78%)
     2) Hmun danga innei zat - 1953 (55.22%) 

12. Bial hminga sum thawkchhuak tam Bial 3 
     1) Dawrpui Vengthar Bial (Rs.12,87,713/-) 
     2) Kulikawn Bial (Rs. 6,24,757/-) 
     3) Mission Veng Bial (Rs.6,09,889/-) 

13. Branch sum thawkchhuah tamna Bial 3 
     1) Khatla Branch (Rs.71,44,828/-) 
     2) Mission Veng Branch (Rs.65,04,669/-) 
     3) Ruantlang Branch (Rs.63,46,136/-) 

14. Bial hminga missionary chawm zat - 430 

15. Branch-in missionary a chawm zat - 3398 

16. Bial leh Branch Missionary chawm zat belhkhawm - 3828 

17. Ram puma Thawhtan zan inkhawm chawhrual - 34013 (22.02%) 

18. Member inkhawm thatna Bial 3-te : 
     1) Shillong Bial - 59.00% 
     2) Tipa Bial - 43.17% 
     3) Kohima Bial - 40.41%

...............................................................................................................

Feb. 29, 2020 khan Serchhip Kawnpui Kohhran Biak inah rorel a ni a, rorel palai inchhiarnaah hian Central KTP Committee member 21, Bial aiawh 198, Branch aiawh 758, Synod Puipate 3, Central Kohhran Hmeichhia 2, Minister/Pastor/Pro. Pastor/Upa te 51 leh Chhimtu 71 nen an vaiin 1104 an tel a ni. Thurel tlangpui hetiang a ni : 

1. Kum 2024 KTP General Conference neihna hmun atan Ngopa thlan a ni a, a hun atan Feb. 29 - 3 March, 2024 ruat a ni.
2. KTP General Conference vawi 60-na (Diamond  Jubilee) lawmna programme siam ni rawh se.
3. KTP  General  Conference  leh KTP Rorel Inkhawmah Youth Recreation Centre (YRC) pualin bawm dawh thin ni rawh se.
4. YRC Budget  kan kalpui mek, member pakhat zel chhuta kan pek thin (khawpui - Rs. 50/-, khawpui area - Rs. 30/-, thingtlang - Rs. 20/-) hi chhunzawm zel ni rawh se.
5. YRC  puala inkhawm tumkhat thawhlawm lakkhawm hi a tha e, kan ti.
6. Ram pum huapin chhawmdawlna pual atan inkhawm vawi 1 thawhlawm lak khawm leh ni rawh se.
7. Hospital Charity Fund pualin KTP inkhawm vawi 1 thawhlawm lakkhawm ni rawh se.
8. Rampum  huapin ruihhlo ngaite , VC/LC inthlan leh HIV/AIDS veite pualin chawngheia tawngtai neih ni rawh se.
9. HIV/AIDS darh  zel tur  venna kawnga hmalak chhunzawm zel nise kan ti.
10. KTP  General  Conference thlengtu  pualin KTP inkhawm tumkhat thawhlawm lakkhawm ni rawh se.
11. Kum 2021 - 2022 CKTP kumpuan atan, 'Kristian Chhungkua' (Josua 24:15), East Lungdar Venghlun Bial leh  Lungpho Bialte thawh chu thlan a ni. Kumpuan hi kum khatah tum li zir tura tih a ni.

 

...............................................................................................................

CENTRAL KRISTIAN THALAI PAWL 2020 - 2022

Office Bearers :

Leader - Rev. Vanlalmuanpuia Khiangte (Synod thlan)
Assistant Leader - Pu Rorelkima, Ramhlun Bial
General Secretary - T.Upa Rochungnunga (Synod ruat)
Assistant Secretary - T.Upa Malsawmtluanga, Mission Vengthlang Bial
Treasurer - Pu P.C. Lalrinsanga, Dawrpui Bial 
Finance Secretary - Upa Lalrinmawia Ralte, Khatla Bial 

Committee Members :
1. T.Upa R. Lalbiakmawia, Dawrpui Vengthar Bial
2. Tv. Benjamin Lalnunpuia, Vaivakawn Bial
3. Pu Lalrinchhana Ralte, Mission Veng Bial
4. Pu Lalruatfela, Bawngkawn Bial (Synod Choir Director)
5. Tv. K. Lalchhanhima, Ramhlun North Bial (Kristian Thalai Editor)
6. Pu Johny Lalthansanga, Chaltlang Bial
7. Pu H. Lalrosanga, Luangmual Bial
8. Pu Ricky Lalremruata, Venghlui Bial
9. Upa Saihmingthanga Sailo, Electric Veng Bial
10. Pu Zosangpuia, Bethlehem Bial
11. Tv. Malsawmdawngliana, Republic Bial
12. Pu L.V. Lalthantluanga, Chanmari Bial
13. Pu Johny Lalawmpuia, Armed Veng Bial
14. Pu Lalrempuia, Chanmari West Bial
15. Pu Lalremruata Pachuau, Bungkawn Bial
16. Pu Jonathan Lalhruaitluanga, Kulikawn Bial
17. Pu David Lalchhuanawma, Tlangnuam Bial
18. T.Upa P.C. Vanlalnunmawia, Venghnuai Bial
19. Upa F. Zoherliana, Zonuam Bial
20. Tv. Vanromawia, Chhinga Veng Bial
21. Upa Lalchharmawia, Zemabawk North Bial

...............................................................................................................