Rev. V.L. Zaithanga (Vanlalsiama Lahore Zaithanga) hi March 24, 1934-ah Sialhawk khuaah a piang a. A pa chu Upa V.L. Siama a ni a, a nu chu Sainguri a ni. December 17, 1964-ah Zoparmawii nen an innei a, fa pathum mipa 1 leh hmeichhia 2 an nei. A upa 2-in an boralsan tawh a, a naupang ber hmeichhiain a la dampui a ni.
Rev. V.L. Zaithanga hian 1945-ah Primary a pass a, 1948-ah Middle, 1953-ah matric, 1955-ah I.A, 1957-ah B.A. a zo va, 1964-ah B.D. a zo leh a ni. B.A. a zir lai, 1956-ah chhandamna changin B.A. a exam zawhin Union of Evangelical Students of India buatsaih, Bangarapet hmuna camping-ah a tel ve a, an zawh nia Pathian rawngbawl tura sawmna an siamah a inhlan ve a. 1957 tawp lam thla 3 chhung Assistant Education survey Officer hna a thawk a. 1958 kumtir lamah Biate-ah Eastern High School a hawng a, 1958 kumtir lamah Biateah Eastern High School a hawng a, 1958-1959 chhung Sub-Inspector of Schools hna a thawk leh a. September 1959-ah Secretary, Synod Education Board hna a zawm a, hei hi kohhran rawngbawlnaa a luh tanna a ni.
Kum 1961-1964 chhung United Theological College, Bangalore-ah B.D. a zir a, a zir zawhah a hna ngai Synod Education Board Secretary hna chu a thawk chhunzawm leh nghal a. Hei bakah hian hna hrang hrang heng Principal, Guru Training School (1964-1965), Secretary, Ramthar Board (1966-1973), Executive Secretary (1964-1983), Pastor, ZPMK, Shillong (1984-1987), Field Secretary, New Delhi (1988-1995)-te hi a chelh tawh bawk. Mizoram Presbyterian Synod-ah hian Statistician, Secretary, Treasurer, Finance Offucer leh Moderator hna te hia chelh tawh a, Assembly-ah Statistician, Secretary leh Treasurer-te a ni tawh a, NEICC-ah Treasurer hna a chelh tawh bawk. Kum 1967-ah Ramthar Board Secretary hna a chelh lai hian Pastor atan nemngheh a ni.
Ni 6 May, 2008-31 Dec., 2012 chhung khan Presbyterian Church of India General Assembly ruatin Assembly Officer hna thawkin Diphu-ah a awm a. Karbi Anglong Synod lo pianna atana Rev. V.L. Zaithanga hi a sulsutu leh hma la ber tu a ni a. A rawngbawlna hi a ropuiin a ngaihsanawm em em a ni.
Kohhran hnuaia a thawh chhung hi kum 36 a ni a, Ramthar lamah kum 23 zet a awm.
Kum 1996-ah pension-in a chawl ta a. A pension hnu hian Jehovah Jire Ministry hming puin rawngbawlna a chhunzawm a. Delhi-a Mizo awmte tlawh kual te, damlo tlawh te leh Kristian pawl hrang hrangte rawngbawlna tawiawm te an hna ber chu a ni a, theih ang anga Chanchin Tha thehdarh an tum ber a ni. Delhi atang hian Aizawlah rawn chuang chhuakin hun engemaw chen an khawsak hnuah Diphu-ah a in bengbel ta zawk a ni. Ni 5 May, 2020 khan bual inah tlu sualin hemi hnu hian Diphu bul Manza-a Roman Catholic Hospital-ah admit a ni a, theih tawpa enkawl a nih hnuin 14 May, 2020 zing dar 6:15 khan chatuan ram min lo pansan ta a ni.
VUINA PROGRAMME
A hmun : Ama chenna In, Diphu
A hun : Ni 14 May, 2020 (Ningani) Dar 2:00PM
Vuitu : Rev. F. Pachhunga, Field Secretary
Chanchin sawi : Upa Zodingliana, Chairman
Diphu Mizo Presbyterian Kohhran
Tribute & Prayer : Rev. Primingson Millick,
Senior Executive Secretary, KAPC
Thlanmual : Rev. C. Lalruatkima, Diphu