July 23 & 24, 2020 chhung hian Mizoram Presbyterian Kohhran chuan Bial tinah Bial Inkhawmpui neih tura ruahman a ni.
Bial Inkhawmpui hman dan tur hi Bial Standing committee kutah awmin Bial hrang hrang hman dan a inang vek lo a. Bial thenkhatah chuan July 23 (Ningani) hian Nomination leh Committee peng hrang hrang an thu ang a, July 24 (Zirtawpni) nilengin Rorel a ni ang.
Kumin Bial Inkhawmpui neih hun tur hi ruahmanna hmasaah chuan April 24 - 26 chhunga neih tur a ni a, amaherawhchu Coronavirus (Covid 19) avanga rampumah Lockdown puan anih avang leh Kohhran chet velna hrang hrang tih a remchan loh avangin Bial Inkhawmpui neih hun tur pawh hi SEC Special Meeting chuan hetiang hian ruahmanna a siam a, zan lamah pawh Vantlang Pathian Biak Inkhawm awm lovin chhun lamah rorel inkhawm chauh neih tura ruahman niin a tul dan ang zela sawrkar ruahmanna hrang hrangte zawm chung zela Bial Inkhawmpui hi kalpui tura tih ni.