February ni 2-5, 2021 chhung hian Pro. Pastor lak tharte tan Pro. Pastor Orientation Programme, Synod Conference Centre, Mission veng-ah neih mek a ni.
Orientation programme hi February 2, 2021 (Thawhlehni) zan khan hawnna inkhawm neih niin Synod Moderator, Rev. Dr. C. Lalhlira’n inlawmna leh Keynote Address a sawi a. Orientation chhung hian subject hrang hrang – Church Administration chungchang te, Inkhawmpui leh committee kalhmang te, Synod Rules & Regulation chungchang te leh thil pawimawh hrang hrang te mi thiam hrang hrang hnen atangin an zir a ni. February 5, 2021 (Zirtawpni) zanah OM te nen inkawmhona neiin Orientation programme hi khar a ni ang.
Tun tum Orientation programme-ah hian Pro. Pastor 14 an tel a, Mission Field leh Manipur Area-a awmte chu Field Secretary leh Administrative Secretary-ten a tul anga lo kaihruai tura beisei an ni.
Pro. Pastor Orientation hi Pro. Pastor lak thar te tana buatsaih thin niin kumtina neih thin a ni.