March 2 - 5, 2021 chhung hian Synod Worship Department buatsaihin Bungkawn Kohhran Golden Jubilee Hall-ah Choir Conductor Training neih mek a ni a. Training-ah hian mi 56 an tel a ni.
March 2, 2021 (Thawhlehni) chawhma dar 10 khan training hawnna inkhawm tawi neih a ni a, hawnna inkhawm hi Coordinator Upa H. Lalhmingmawia'n a kaihruai a, Rev. K. Lalrinmawia, Executive Secretary-in hawnna leh fuihna thu a sawi. Training chhung hian zaipawl rawngbawlna tana thil pawimawh - Musical Terms & Signs, Conducting, Harmonisation, Scales leh thil chi hrang hrang te Worship Department-a Music Instructor ten an zirtir a ni.
March 5, 2021 (Zirtawpni) chawhnu dar 3 hian training kharna inkhawm neih a ni ang a, kharna inkhawm hi Rev. K. Lalrinmawia, Executive Secretary-in a kaihruai ang a, Synod Moderator Rev. Dr. C. Lalhlira'n thuchah sawiin training-a tel te hnenah Certificate a hlan ang a. Senior Music Instructor Pu H. Lalrinmawia'n report a pe ang.