KTP Rorel Inkhawm vawi 9-na chu March 6 & 7, 2021 chhung hian Chaltlang Kohhran Biak Inah neih a ni dawn a. Rorel Inkhawm hi tunlai Hripuileng mek avangin tum danga Rorel inkhawm angin a hman theih dawn lova, Rorel Palai pawh Bial aiawh pakhat zel kal tura tih a ni.
March 6, 2021 (Inrinni) chawhma dar 9:30 atang khan Rorel Inkhawm neih a ni ang a, Rorel Inkhawm hi Central KTP Leader Rev. Vanlalmuanpuia Khiangte-in a kaihruai ang a, Finance report ngaihthlak a ni ang.
March 7, 20219 (Pathianni) hian chawhma leh chawhnu inkhawm a awm ang a, chawhma inkhawm hi committee member Upa Saihmingthanga Sailo-in a kaihruai ang a, Synod Moderator Rev. Dr. C. Lalhlira hnen atangin Pathian thuchah ngaihthlak a ni ang a, General Secretary Upa Rochungnunga hnen atangin report ngaihthlak a ni ang a, Upa Lalrinmuana, Synod Secretary-in Kumpuan hawnna leh hlanna a nei ang. Chawhnu inkhawm hi committee member T. Upa H. Lalrosanga'n a kaihruai ang a, Asst. Secretary T. Upa Malsawmtluanga hnen atangin Pathian thuchah ngaihthlak a ni ang a, tlai dar 3-ah thu-a inpawlhona neih a ni ang a, Rev. K. Lalrinmawia, Executive Secretary i/c KTP-in hun a hmang ang.
Rorel Inkhawmah hian zan lamah vantlang Pathian biak inkhawm a awm dawn lo a. Pathianni (March 7) inkhawm hi Hruaina Eng channel leh Central KTP youtube channel-ah te LIVE tura ruahman a ni.