Tripura Synod building thar chu April 5, 2021 khan Mizoram Synod Moderator Rev. Dr. C. Lalhlira'n a hawng.
Building thar hawn zawh hian a lawmna inkhawmin a zui a, Rev. Bhanul Molsom, Moderator, Tripura Synod-in inkhawm a kaihruai a. Rev. Chawngmunrai, Executive Secretary, Tripura Synod-in inlawmna hun a hmang a, Upa C. Chawngthanmawia, Kolasib Diakkawn (contractor)-in Building sak report a pe.
Upa Lalrinmuana, Secretary, Mizoram Synod-in Tripura Synod building thar lawmpuina thuziak leh sum fai Rs. 2,00,000/- Tripura Synod a hlan a, Rev. Dr. C. Lalhlira leh Upa Lalrinmuana te hnen atangin thuchah ngaihthlak a ni a, Tripura Synod Choir te leh Tuidu Pastor Bial Zaipawl te an zai bawk. Inkhawm banah building thar lawmna chawhlui kilho nghal a ni.
Tripura Synod building hi a dung feet 75, a vang feet 49 niin chhawng 5 a ni a. Building estimate amount hi Rs.37,928,000/- a ni.