Synod Mission Board chuan Missionary a lak thar mi 30 te tan April 7 - 30, 2021 chhung hian Synod Multipurpose Training Centre (SMTC), Mission Vengthlang-ah Orientation Training a buatsaih a, Training-naah hian Missionary hna thawk thar tûrten an rawngbâwlna hmun an pan hmaa an hriat tûr chi hrang hrang leh rawngbawlna tura thil tul leh tangkai tak tak te mi thiam hrang hrangten an zirtîr a ni. Missionary lak thar te hi mipa 14 leh hmeichhia 16, an vaiin 30 an ni.
Tin, April 5 - 9, 2021 chhung khan Masihi Sangati Evangelist lak thar mi 5 te pawhin Orientation Class, Masihi Sangati Kendra, Bawngkawn-ah an nei a, subject hrang hrang an zir a ni. Masihi Sangati Evangelist lak thar te hi April 11, 2021 (Pathianni) chawhnu dar 1:30 hian Masihi Sangati Kendra Chapel, Bawngkawn-ah Tirhchhuah Inkhawm neih a ni dawn. Tirhchhuah Inkhawm hi Upa H. Thangmawizuala, BEC member-in a kaihruai ang a, Upa Lalbiakenga Fanai, Coordinator-in inhmelhriattirna leh tirhchhuahte chanchin a sawi ang a, Rev. Zochhuanmawia, Masihi Sangati Kendra Director-in tirhchhuahna a nei ang a, Upa Dr. Lalnundanga, BEC member-in tawngtaisakna a nei ang. Evangelist tirhchhuahte hi mipa 4 leh hmeichhia 1 an ni a, an vaiin 5 an ni.