Nov. 16 - 18, 2021 chhung khan Synod Finance Committee vawi 138-na chu J.M Lloyd Hall, Synod Office-ah an thu a, committee member 42 kalin Aizawl khawchhung atangin 24 leh Aizawl khaw pawn atangin 18 an kal.
Committee hi Synod Moderator Rev. Dr. C. Lalhlira'n a kaihruai a, Secretary report leh Finance Officer Report ngaihthlak a ni. Synod Finance Committee vawi 3 thut thu te, Synod Finance Managing Committee vawi 3 thut thu te, Synod Office, Department leh Field hrang hrang Account-te Audit zawh tawh anih thu te, Kuminah Covid-19 hripui leng avanga kum dang anga Accounts Training leh Finance Campaign neih hleih theih a nih loh thu te Secretary report-ah tarlan a ni.
Tun tum Synod Finance Committee-ah hian thu ngaihtuah tur chhawpchhuah (agenda) 9 a awm a, heng agenda hrang hrangte hi Synod Inkhawmpuia pawm turin chhawp chhuah leh a ni ang.