Synod Inkhawmpui vawi 98-na chu Dec. 7, 2021 atang khan Republic Veng Kohhran Biak Inah neih tan a ni a, Inkhawmpui hian Dec. 12, 2021 (Pathianni) thleng a awh ang. Hripui leng mek avangin kum dang angin hman theih a ni lova, chuvang chuan Synod Inkhawmpui Palai tur pawh kal tur chin bithliah siamin tih tlem a ni.
Dec. 7 (Thawhlehni)-khan Nomination committee an thu a. Dec. 8 - 11 chhungin Rorel a ni ang. Dec. 12 (Pathianni) chawhma chu Pastor nemngheh leh Pro. Pastor dahngheh inkhawm a ni ang a, chawhnuah Minister thi sunna leh Moderator Valedictory Sermon inkhawm a ni ang. Hemi ni programme hi Hruaina Eng TV Channel leh Synod Information Youtube channel-ah te Live-a tihchhuah tum a ni. Kumin Synod Inkhawmpuiah hian zan lamah vantlang Pathian Biak Inkhawm a awm lo ang.
Kumin 2021 Synod Inkhawmpuia puipa turte chu heng te hi an ni :
Moderator : Rev. Dr. Vanlalnghaka Ralte
Secretaries : Upa Lalrinmuana (Sr.) & Rev. Z.D. Lalhmachhuana (Jr.)
Finance Officers : Rev. B. Sangthanga, Executive Secretary & Rev. Lalramliana Pachuau
Statistician : Upa Lalthianghlima, Bethlehem Venglai
Executive Secretaries : Rev. Lianhmingthanga Sailo & Rev. K. Lalrinmawia
Synod Inkhawmpui hi kum 2010 atang khan Bial-in an thleng tan a, kumin 2021 hian Republic Veng Bialin Republic Veng Kohhranah an thleng a ni.
For more Pics Click Here