Nizan (Dec. 14, 2021) khan Synfo leh CKTP buatsaih Krismas Urlawk Live programme chu tluang taka neih a ni.
Programme hi zan dar 7:30-ah tan niin Pu Lalchhungliana, Synfo Coordinator-in hunserh a hmang a, Rev. K. Lalrinmawia, Executive Secretary leh Rev. Vanlalmuanpuia Khiangte, Leader CKTP te hnen atangin thusawi ngaihthlak a ni a, zaithiam hrang hrang - Melody Lalzirliani, Lawmi Khiangte, Jerry Lalrinawma, Lalrinzuala (Amtea) leh One in Christ-te hnen atangin fakna hla ngaihthlak niin Ramthar Veng Branch KTP ten faklam an entir bawk.
He Live Programme hi Golden Jubilee Hall, Mission Vengthlang Kohhranah neih a ni. House Band hi KTP, Mission Vengthlang Branch member-te an ni a, Praise Group member-te pawh Mission Vengthlang Bial atangin an ni ruat an ni. Sound & Lights chu Wave Records-in an buaipui a, Hruaina Eng leh Synod Information YouTube channel-ah LIVE telecast a ni a, technical problem a awm avangin youtube lamah hian pekchhuak theih a ni ta lo.
Tun tum hi Synfo leh CKTP-in Krismas Urlawk an buatsaih vawithumna a ni a, kum 2018 leh 2020 khan heti ang programme hi an lo buatsaih tawh a. Tun tum hi Live-a tihchhuah hmasak ber tur a ni.
Youtube Link Click Here