Vawiin (Jan. 6, 2022) atangin kum 2022 atan Synod Office hawn tan a ni leh ta a. Synod Office hawnni hian Devotion-ah Synod Moderator Rev. Dr. Vanlalnghaka Ralte-in hun a hmang a, fuihna thuchah sawiin inhlan tharna hun hman a ni. Moderator chuan “Lalpa rawng in bawl a ni” tih thupui hmangin thawktute a fuih a. Heng kan hna zawng zawng hi Pathian min pek a ni a, taima takin rawng kan bawl tur a ni. Pathian hi Pathian taima a ni a, hnathawk Pathian a ni. Ringtu leh hnathawh a inzawm a, then hran theih a ni lova, chuvang chuan rilru thar nena rawngbawl zel tur leh lawm chunga Lalpa rawngbawl zel turin thawktute a fuih a ni.
Kuminah hian Synod Office-a thawk turin Ramthar Field leh Synod department hrang hrang atangin mi 10 lawmluh an ni.
Devotion zawh hian Executive Secretary hlui leh thar ten charge an inhlan nghal a, Executive Secretary tharte chu :
Rev. C. Zorammawia - Senior Executive Secretary
Rev. V.L. Luaia Hranleh - Executive Secretary
Rev. Dr. K. Lallawmzuala - Executive Secretary
For more pics Click Here