Vawiin (26.2.2022) Chawhma dar 11 khan Synod Zirlai viltu Committee te buatsaih Synod Resource Centre memberte puala Briefing Session chu Sikulpui Hall ah hman ani.
Briefing Session hi Zirlai Viltu Committee Chairman Rev. Dr. K. Lalawmzuala, Executive Secretary, Mizoram Synod-in kaihhruaiin Pi Zirkungi, Secretary in report a pe a. Pu R.L.Rinmawia IRS (Rtd) in zirlai kalkhawm te Briefing a neih pui.
Kum 2018 Synod inkhawmpui in Mizo thalai te Central Service a tam zawk an luh theih nan Synod in hma la rawh se tih chu hemi kawnga hma la tur committee dinin Zirlai Viltu Committee tih niin an ni hma lak na hian Sept 20, 2021 khan Sikulpui hmun ah hian Synod Resource Centre hawn a ni a. Tin, 2020 khan booklet pawimawh tak pali zirlai te tana tangkai tur a lo siam tawh bawk. Tun ah hian he centre ah hian lehkhabu volume pawh 303 lai an kawl tling tawh a ni.
Tun ah hian he centre ah hian zirlai 75 member ni mekin heng te hi group thum ah then in vawiin hian group C pualin Briefing hun hi hman ni. Vawiin a zirlai kal te mi 33 an ni.