Vawiin (March 4, 2022) chawhma dar 11 atanga chawhnu dar 3 thlengin Presbyterian Pastor Pension Fellowship (PPPF) chuan General Meeting (Annual Meeting), Synod Office Devotion Room-ah an nei. Meeting-ah hian member 124 atangin member 80 an kal thei a, tun tum hi meeting-ah member an kal that ber tum a ni.
Chawhma inkhawm hi PPPF Chairman Rev. Dr. Lalchhuanliana’n a kaihruai a, Rev. Lairotluanga’n hunserh a hmang. Kum danga an tih thin angin chawhma lamah hian member thar lawmluh bakah Secretary report, Treasurer report leh Audit Report te ngaihthlak a ni a, rorelna neih a ni. PPPF Album leh Directory tlangzarh a ni bawk. Meeting-ah hian member thar mi 14 lawmluh an ni a, Pastor pension thi tawh nupui paruk an tel thei bawk.
Kum 2022-2023 chhunga Office Bearers tur an thlang a, chanvo hetiang hian siam a ni :
Rev. Dr. Zaihmingthanga - Chairman
Rev. C. Rosiama - Vice Chairman
Rev. Dr. H. Vanlalauva - Secretary
Rev. Dr. Lalchungnunga - Asst. Secretary
Rev. K. Lungmuana - Treasurer
Rev. Dr. Lalchhuanliana - Financial Secretary
Chawhnu inkhawm chu PPPF Vice Chairman Rev. K. Lungmuanan a kaihruai a, Rev. Dr. Zaihmingthanga paper buatsaih ‘Covid-19 hripui leh Kohhran’ tih thupui zirho a ni a, sawihona tha tak an nei.