Nimin (March 30, 2022) khan Central Kohhran Hmeichhia-ten Synod Hospital, Durtlang Charity Fund atan leh John Williams Hospital, Lunglei tanpuina atan Rev. V.L Luaia Hranleh, Executive Secretary i/c Hospital hnenah Rs. 15,02,823/- an hlan.
Kohhran Hmeichhe Inkhawmpui Lian vawi 49-na thurêl 'Synod Hospital, Durtlang Charity Fund atân leh John Williams Hospital, Lunglei tanpui nân Kohhran Hmeichhe Inkhâwm tum hnih thawhlâwm lâk khâwm ni rawh se' tih chu a hun atan June 8, 2021 leh July 13, 2021 thawhlehni zan Inkhâwm ruat a ni a, amaherawhchu hun ruatah hian hripui leng avânga inkhâwm a remchan tak loh avângin Bial leh Kohhranten an mahni remchan dan angin an thawh khawm a.
Heta pawisa tling khawm Rs. 15,02,823/- chu Synod Hospital Charity Fun atan Rs. 12,02,823/- leh John Williams Hospital tanpuina atan Rs. 3,00,000/- chu Rev. V.L. Luaia Hranleh, Executive Secretary i/c Hospital hnenah Central Kohhran Hmeichhe aiawhin Pi Lalrinliani, Treasurer leh Lalhmingliani, Finance Secretary ten an hlan ta a ni.