Nimin (April 5, 2022) khan Synod Partnership Committee buatsaihin Mizoram Synod leh rawngbawlna lama a thawhpui pawl hrang hrangte nena inhmuhkhawmna hun Synod Office Devotion Hall-ah an hmang a, partner member 24 atangin aiawh an kal a ni.
Programme hi Synod Moderator Rev. Dr. Vanlalnghaka Ralte-in a kaihruai a, Synod Partnership Committee Secretary Rev. Dr. C. Lalhlira’n “Synod Partnership nih phung leh a beisei” tih thupuia hmangin Partnership neih a tul chhan te, Synod Partnership hnathawh dan tur te, thawhho dan hrang hrang chungchang te, Synod Partnership beisei leh a tum te leh Partnership chu Lal Isua zirtirna a ni, tih te a sawi a. Kristian zawng zawngte tangrualin thawk pawh ni ila, khawvel pum hneh tur chuan hun leh tha leh sum a duh hnem hle dawn a ni. Chuvang chuan kan theih tawk theuhva thawkin, tangruala inpuibawm tawna kan thawh hi a tulin a pawimawh hle a ni, a ti. Synod Partnership Committee member leh Partner member kal te atangin thusawi ngaihthlak a ni bawk.
Tun dinhmunah Mizoram Synod chuan pawl hrang hrang 26 a thawhpui mek a ni.