Vawiin (April 6, 2022) chawhma dar 10 khan Synod Social Front buatsaih “Mizote Tan Nun Kawng Dik” tih lehkhabu chu J.M Lloyd Hall, Synod Office-ah Synod Moderator Rev. Dr. Vanlalnghaka Ralte-in a tlangzarh.
Lehkhabu tlangzarh hun tawi hi Pu R. Lalnuntluanga, Social Front Coordinator-in kaihruaiin lehkhabu buatsaih a nih dan te a sawi hnuah Synod Moderator Rev. Dr. Vanlalnghaka Ralte chuan tlangzarhin Pathian hnenah a hlan a ni.
Synod Social Front Committee chuan kan ram dinhmun a thlirin moral reforms lama tan lak thar leh a tulin a hria a, hmalakna tur hrang hrang te pawh a ruahman a, chung zinga pakhatah chuan mithiam te sawma thu ziah tir a, chungte chu mipui chhiar theih tura lehkhabu a chhuah a ni a. Lehkhabu chu tunah peih fel a lo ni ta a ni. He lehkhabuah hian article hrang hrang 14 leh Research Report pakhat “Tleirawlte leh Tharum Thawhna” tih chu telh a ni bawk.