Vawiin (April 13, 2022) khan Mizoram Christian College (MCC) te chuan College Week 2022 an hman tak lawmman semna hun an hmang.
He hun hi Rev. Z.D. Lalhmachhuana, Secretary (Sr), Mizoram Synod-in a hmanpui. He Program hi NSS Blood Donation-in a chhunzawm a, thisen pek runpui hi NSS leh EU ten an buaipui a ni. Thisen hi a vaiin Unit 33 pek a ni a, Mipa 31 leh Hmeichhia 2 ten an pe thei a ni.
Synod enkawl, Mizoram Christian College hi kum 2020 khan din niin, tunah hian Principal Rev Dr Lalchungnunga kaihhruaina hnuaiah Faculty 19, Office Staff 5 leh zirlai 200 chuang an awm mêk a ni.
